Ævintýrið við Austurvöll heldur áfram. Eins og flestir íslendingar hafa tekið eftir hefur verið stórkostlegt gluggaveður undanfarna daga, Sól, blíða, skítkalt og vindur þegar út er komið.

Bótaþegarnir með bongótrommurnar og gettóblasterana hafa ekki látið það á sig fá, skvaldrið fyrir utan gluggann hefur verið nokkuð stöðugt undanfarna viku eða tvær. Ekkert að því svo sem, ég er með ágætis græjur við gluggann sem drepa hávaðann.

Tveir af framtaksamari sumaríbúum Austurvallar hafa víst fengið þá stórkostlegu hugmynd að það væri hresst að gera bara alvöru partí úr þessu. Þessir gæjar voru að mæta fyrir utan með borð með tvemur SL-um og míkrafón, og risahátalara. Eru að halda ágætis partí hérna fyrir utan. Eina vandamálið er að sólin hækkar alltaf í himni með hverjum deginum sem líður, en kuldinn ágerist líka eftir því. Því standa þeir á miðjum Austurvelli, tveir, spilandi músík fyrir styttuna og alþingishúsið. Kannski nokkra fugla líka. Og mig. En ég er búinn að kveikja á græjunum.

Gengur vonandi betur næst.